29 Nov 2024, 10:11 वाजता
भारतात धावणार पहिली हायड्रोजन ट्रेन
Hydrogen Train : लवकरच भारताची पहिली हायड्रोजन ट्रेन सुरु होणार आहे.. 8 कोच असलेल्या या ट्रेनची पहिली झलक तुम्ही झी 24तासवर पाहू शकता.. ही ट्रेन ताशी 110 किमी वेगानं धावणार आहे.. ही ट्रेन डिझेल किंवा वीजेवर धावणार नसून ती चक्क हायड्रोजनचा वापर इंधन म्हणून करणार आहे. या ट्रेनची पहिली ट्रायल रन हरियाणाच्या जिंद-सोनीपत मार्गावर होणार आहे.
बातमीचा व्हिडीओ पाहा -
29 Nov 2024, 09:13 वाजता
टोमॅटोच्या शेतात गांजाची लागवड
Chandwad Ganja Seized : रविंद्र गांगुर्डे यांच्या मालकीच्या टोमॅटोच्या शेतात २१५ किलो वजनाची ६५ गांजाची झाडं लावण्यात आली होती. चांदवड तालूक्यातील वडनेर-भैरव पोलीस ठाणे हद्दीतील तपनपाडा,दुधखेड शिवारात जिल्हा प्रमुखांच्या विशेष पोलीस पथकाने छापा टाकत कारवाई केली. याची किंमत १२,लाख ९३ हजार रुपये इतकी आहे. या प्रकरणी रविंद्र गांगुर्डेविरोधात वडनेर-भैरव पोलिसात गुन्हा दाखल करण्यात आलाय.
बातमीचा व्हिडीओ पाहा -
29 Nov 2024, 09:11 वाजता
पुण्यातील टेकड्यांवर सीसीटीव्ही आणि लाईट बसवले जाणार
Pune : पुण्यातील टेकड्यांवर सुरक्षेसाठी सीसीटीव्ही आणि लाईट बसवले जाणारेत....यासाठी पुणे पोलिसांकडून राज्य सरकारकडे अहवाल पाठवला जाईल..त्यासाठी 13 हून अधिक टेकड्या आणि सात ब्लॅक स्पॉट निश्चित करण्यात आलेत...
29 Nov 2024, 08:32 वाजता
सोलापूरहून 23 डिसेंबरपासून विमानसेवा सुरु होणार
Solapur Air Ticket : सोलापूरकरांसाठी आनंदाची बातमी... एका खासगी कंपनीकडून 23 डिसेंबरपासून विमानसेवा सुरू होत आहे. 10 डिसेंबरपासून विमानसेवेचे ऑनलाईन तिकीट बुकिंग सुरू होणार आहे. सोलापूर ते गोवा या विमान प्रवासासाठी 1 हजार 70 रुपये तर सोलापूर ते मुंबई प्रवासासाठी 1 हजार 465 रुपये मोजावे लागणार आहे. मात्र केवळ ऑनलाईन अ‍ॅडव्हान्स बुकिंग करणा-यांसाठीच प्रवाशांना या दरचा फायदा मिळणार आहे..
29 Nov 2024, 07:51 वाजता
एकनाथ शिंदेंकडून गृहखात्याची मागणी-सूत्र
Mahayuti Mantripad : दिल्लीत झालेल्या महायुतीच्या बैठकीमध्ये एकनाथ शिंदेंनी शिवसेनेला गृहखातं देण्याची मागणी केली मात्र गृहमंत्रिपद सोडण्यास भाजपनं नकार दिल्याची माहिती सूत्रांनी दिलीये.. गृहमंत्रिपद स्वताकडे कायम ठेवण्यास भाजप आग्रही आहे अशी माहिती सूत्रांकडून मिळतीये.. तसंच मुख्यमंत्र्यांकडे असणारे नगरविकास आणि भाजपकडे असलेले सांस्कृतिक खाते याबबाही दिल्लीतील बैठकीत चर्चा झाल्याची माहिती सूत्रांनी दिलीये.. आता यासंदर्भात आज मुंबईत पुन्हा चर्चा होण्याची शक्यता आहे..
29 Nov 2024, 07:38 वाजता
अडीच वर्षात केलेल्या कामामुळे समाधानी - एकनाथ शिंदे
Delhi Eknath Shinde : बैठकीत समोर आलेल्या एकनाथ शिंदेंच्या फोटोवरुन चर्चेला उधाण आलंय.. या फोटोत एकनाथ शिंदेंचा चेहरा पडल्याची चर्चा रंगली असताना आता यावर स्वत: एकनाथ शिंदेंनीच पडदा टाकलाय..
बातमीचा व्हिडीओ पाहा -
